Nicolas Pepe është bërë lojtari më i shtrenjtë ndonjëherë i transferuar nga Arsenali.

Transferimi prej 80 milionë euro i reprezentuesit të Bregut të Fildishtë u konfirmuar pasditen e sotme (e enjte) nga klubi londinez, transmeton portali arbresh.info.

Duke folur në intervistën e parë si lojtar i Arsenalit, Pepe zbuloi se kjo lëvizje do të thotë shumë për të dhe familjen e tij.

“Të qenurit këtu është shumë emocionuese sepse nuk ka qenë lehtë për mua”, ka thënë fillimisht Pepe për faqen zyrtare të klubit. “Kam ardhur nga një vend shumë i largët dhe ka vuajtur shumë, prandaj nënshkrimi me këtë klub të madh është një shpërblim i madh për mua”

Para transferimit te Arsenali, Pepe është përfolur shumë për kalim te një numër i madh klubesh.

Shumica prej tyre garojnë këtë sezon në Ligë të Kampionëve, andaj që “Topçinjtë” të fitojnë garën ndaj skuadrave si Bayern Munichu, Liverpooli e Napoli ishte diçka e papritur.

Por, Pepe ka një shpjegim rreth kësaj

“Ishte familja ime dhe agjentët e mi”, shtoi ai, transmeton portali arbresh.info. “Kam folur dhe kam menduar gjatë rreth kësaj. Ishte në kohë të CAN-it [Kupës së Kombeve të Afrikës], ne kemi menduar shumë gjatë kësaj, para dhe pas CAN-it”

“Ishte e rëndësishme për të marrë vendimin e duhur dhe jam i bindur që Arsenali është zgjedhja e duhur”

Pepe mund të bëjë debutimin e tij te Arsenali në miqësoren parasezonale të dielën kundër Barcelonës./arbresh.info/